|
||
|
|
||
Sýningar LeikminjasafnsinsVestfirsk leiklistSýning um leikstarf á Ísafirði og Vestfjörðum - opnuð í Safnahúsinu á Ísafirði 26. janúar 2013 
Á Ísafirði var starfrækt leikfélag á tíunda áratug nítjándu aldar og skömmu síðar var stofnað leikfélag á Flateyri. Um líkt leyti er einnig tekið að leika á Patreksfirði og Bíldudal, og fast á eftir fylgja staðir eins og Bolungarvík, Þingeyri og Suðureyri. Í sveitunum er einnig vitað um leiksýningar: við Patreksfjörð sunnanverðan, í Ketildölum, Dýrafirði, Ingjaldssandi og við Djúpið. Leiklist í HafnarfirðiSýning Leikminjasafns Íslands í Gúttó í Hafnarfirði - opnuð 6. júní 2010 
Í Hafnarfirði hefur verið leikið í meira en 130 ár. Þar hafa bæði starfað áhugaleikfélög og atvinnuleikhús, auk þess sem ýmsir þjóðkunnir leikarar eru hafnfirskir að uppruna eða hafa einhvern tímann tyllt niður fæti á hafnfirskum leiksviðum. Kvosin – Vagga leiklistarSýning í Ráðhúsinu og Aðalstræti 10 á Vetrarhátíð 2009 
Íslensk leiklist á upphaf sitt í Kvosinni í Reykjavík. Þar fóru fyrstu leiksýningarnar fram, þar voru fyrstu íslensku leikritin sýnd, þar risu fyrstu leikhúsin, þar stigu fyrstu leikstjörnurnar fram í sviðsljósið og heilluðu áhorfendur. Langflest hinna gömlu leikhúsa eru nú löngu horfin af yfirborði jarðar, en minning þeirra lifir í sögu leiklistarinnar. Við krefjumst fortíðarOpnuð í Gallerí Humar eða frægð 24. febrúar 2006 
Götuleikhópurinn Svart og sykurlaust starfaði á árunum 1983-1986. Hópurinn var brautryðjandi hérlendis í götuleikhúsi og ferðaðist víða um land og kom fram á hátíðum og tónleikum Sýning um Jón E. Guðmundsson brúðuleikhúsmannOpnuð í fordyri Borgarleikhússins 10. febrúar 2006 
Jón E Guðmundsson var helsti frumherji brúðuleiklistar á Íslandi. Brúðuleikhúsið er merkilegur þáttur í menningu barna og er hugmyndin með þessari sýningu að gera sérstakt átak til að kynna það fyrir börnum höfuðborgarinnar. Jón lést sumarið 2004, 89 ár að aldri. Samstarfsaðilar: Leikminjasafn Íslands, Borgarleikhúsið og Íslenska brúðuleikhúsið. Minningarsjóður Margrétar Björgólfsdóttur styrkti sýninguna. Helgi TómassonOpnuð 16. maí 2007 í anddyri Borgarleikhússins 
Sýning um feril dansarans og danshöfundarins Helga Tómas- sonar sem haldin var í tilefni þess að San Fransiskó- ballettin sýndi nokkur verk eftir Helga í Borgarleikhúsinum á Listahátíð í Reykjavík Konunglegar mublurMinningargjöf um hjónin Poul Reumert og Önnu Borg 
Föstudaginn 5. nóvember 2004 var opnuð í Þjóðminjasafni Íslands sýning í samvinnu Leikminjasafns Íslands og Þjóðminja- safnsins. Meginuppistaða sýningarinnar eru glæsihúsgögn, sófi og sex stólar, sem lengi stóðu í búningsherbergi Pouls Reumert í Konunglega leikhúsinu í Kaupmannahöfn. Húsgögnin eru sögð persónuleg gjöf til leikarans frá vini hans Friðriki IX Danakonungi. Reumert var kvæntur íslenskri konu, Önnu Borg sem var einnig leikkona við Konunglega leikhúsið. Það var Geir Borg, bróðir Önnu Borg, sem keypti húsgögnin eftir lát Reumerts 1968. Geir lést í vetur og eru þau gefin Leikminjasafninu af börnum hans. Frumherji og fjöllistamaðurSýning í tilefni stofnunar Leikminjasafns Íslands 2003 
Leikminjasafn Íslands var stofnað 9. mars 2003 þegar 170 ár voru liðin frá fæðingu Sigurðar Guðmundssonar málara. Stjórn safnsins ákvað að fyrsta sýning þess skyldi fjalla um frumherjann Sigurð Guðmundsson, málara og Skagfirðing. Sýningin var opnuð í Byggðasafni Skagfirðinga þann 27. apríl og stóð þar fram að verslunarmannahelgi. Síðan var hún flutt í Góðtemplarahúsið í Hafnarfirði þar sem hún stóð frá 15. nóvember til 14. desember. |
Sviðsmyndir og sjónhverfingarLeikmyndir Steinþórs Sigurðssonar í Iðnó 2011 
Fáir leikmynda- teiknarar hafa markað jafn djúp spor í sögu Leikfélags Reykjavíkur og Steinþór Sigurðsson. Steinþór varð aðalleikmyndateiknari - eða leiktjaldamálari eins og það hét þá - félagsins á sjöunda áratugnum. Leikmyndir hans vöktu snemma athygli og aðdáun, ekki síst fyrir fjölbreytni, vald hans á ólíkum stíltegundum og snilldarlega nýtingu á sviðinu í Iðnó. Leiklistin og hafiðLeiklistin og hafið - sýning í Víkinni 12. febrúar til 7. júní 2010. 
Sýningin fjallaði um tengsl leiklistarinnar við hafið og var í samstarfi við Sjóminjasafnið Víkina. Auk sýningarinnar voru fluttar dagskrár með leik og söng úr íslenskum leikritum. Einleikir á Íslandi
Sýning í félagsheimilinu Gíslastöðum í Haukadal - opnuð 3. júlí 2009 þar sem saga einleikja- listarinnar hér á landi var rakin í myndum og máli. Leiklist á Akureyri
Sýningar Leikminjasafns Íslands í Amtsbókasafninu á Akureyri - opnuð 2. febrúar 2008 og í Laxdalshúsi opnuð 28. júní 2008 um leiklist á Akureyri og leiklist norðanlands BrúðulistahátíðMenningarnótt 2007 
Leikminjasafnið stóð fyrir „opnu húsi“ og brúðulistahátíð í gömlu Heilsuverndarstöðinni við Barónsstíg á menningarnótt. Var mjög mikil aðstókn allan daginn og komust færri að en vildu á brúðuleikhússsýningarnar sem boðið var upp á. Mozart-óperan á ÍslandiOpnuð 27. janúar 2006 í Þjóðmenningarhúsi 
Í tilefni af því að liðin voru 250 ár frá fæðingu tónskáldsins Wolfgangs Amadeusar Mozarts var sett upp sýning þar sem brugðið var upp mynd af sögu Mozart-óperunnar á íslensku leiksviði. Munirnir á sýningunni voru eign Leikminjasafns Íslands, Íslensku Óperunnar, Þjóðleikhússins og ýmissa þekktra einstaklinga í íslensku tónlistarlífi. Píputau, pjötlugangur og diggadaríum
Hundrað ára minning Lárusar Ingólfssonar Sýning á búningum, búninga- og sviðsteikningum og ýmsum myndverkum eftir Lárus Ingólfsson var haldin í tilefni af aldarafmæli hans 22.júní 2005. Hún var opnuð í leiklistarstofu Þjóðmenningarhúss 22. nóvember 2005 og stóð til áramóta. Safnafaðir Reykvíkinga22. maí 2003 
Sýningin Lárus Sigurbjörnsson - safnafaðir Reykvíkinga var sett upp í tilefni aldarafmælis Lárusar Sigurbjörnssonar 22. maí 2003. Að henni stóðu eftirtalin söfn: Leikminjasafn Íslands, sem átti frumkvæði að henni, Borgarskjalasafn Reykjavíkur, Landsbókasafn - Íslands og Árbæjarsafn - Minjasafn Reykjavíkur. Voru sýningar settar upp í húsakynnum þessara safna, en Leikminjasafn Íslands stóð fyrir dagskrá með ávörpum og leiklestri í Iðnó á sjálfan afmælisdaginn. Börn Lárusar studdu þetta framtak og kostuðu gerð minnisvarða sem reistur var í Árbæjarsafni af þessu tilefni. Lárus Sigurbjörnsson var einn helsti brautryðjandi reykvískra safnamála á síðustu öld. Hann var stofnandi og fyrsti forstöðumaður Borgarskjalasafns Reykjavíkur og Minjasafns Reykjavíkur, síðar Árbæjarsafns. Leiklistarsagan áttu þó flestu öðru fremur hug hans og hjarta og með skrásetningarstarfi sínu og ritstörfum á því sviði lagði hann fræðilegan grunn að íslenskum leiksögurannsóknum. Laxness og leiklistinIðnó 13. apríl - 1. maí 2002 
Á sýningunni Laxness og leiklistin í Iðnó voru leikminjar og leiklistarsögulegt efni í tilefni aldarafmælis Halldórs Laxness. Rifjuð voru upp kynni Halldórs af íslensku leikhúsi allt frá því að hann sá leiksýningu í Iðnó í fyrsta sinn sem barn og þar til hann var sjálfur orðinn virkur þátttakandi í leikhúsinu sem skeleggur gagnrýnandi, þjóðleikhúsráðsmaður og framsækið leikskáld. |
Settur hefur verið upp á vegum Leikminjasafns Íslands Gagnabanki íslenskra leikhúsa og leikhúslistamanna þar sem hægt verður að fá upplýsingar um verkefni í öllum íslenskum leikhúsum frá stofnun Leikfélags Reykjavíkur til okkar daga.
Leikminjasafn Íslands hefur haft þann hátt á að minnast aldarafmæla merkra íslenskra leikhúsmanna undir heitinu Merkisdagar íslenskrar leiklistarsögu. |
Póstur: Box 249, 172 Seltjarnarnes | Símar: 862 4808 og 863 6437 | Netfang: kolbrun.halldors@gmail.com |
||
